|
| 尋日6pm 幾食左Apple, 梨, chocolate cake & blueburry butter cake, 約7pm幾同Vincent & Dick開始做運動, 先跳繩 (只做左1min已會累及索哂氣…), 之後就開始跑步, 跑跑下個腸開始有d痛, 梗係未落哂格la…跑唔到10min, 我已喘哂氣, 唯有跑下停下, 只跑左半個鐘就宣布暫停lu, 做運動keep fit真係困難… 之後, 上左 Vincent 屋企hea陣, 又出去食飯 la…把做運動的努力付諸流水左 tim…我哋仲要食埋d好肥的food…煎餃子 with meat 湯拉麵, 煎蛋, 帶子粟米湯烏冬; 燒魷魚 ‘so’, 芒果凍餅 & 蘆薈椰汁西米露…食左好多嘢…今朝起身度過條腰肥左1寸..woowoo! Lunch又食到好飽, 有炸肉, 魚, 菜, 炒蛋with rice…搞到好飽 ARRRR…突然收到個壞消息, 公司最後決定左Claire下個week要出番去聽call la, 而最後會留番Stephen 喺到, 仲要係唔知到幾時…arrrrrrrrrrrrrrrrrr我唔制ar, 見多佢1min都唔想……最後我決定左同Wood 反映….佢最後話好大機會都係佢….我唯有回應: “如係佢, 我都會接受, 但最緊要佢唔好繼續唔尊重人及玩針對咁做嘢就得la…” woo woo…好唔想係咁ar! 另外, John 又帶來好消息..佢有朋友請佢去做嘢la…但明天就要返工…so 佢返到今日就離開我哋la…真替佢開心..可揾到更好的工作 (最好就係…高宜家的人工好多…) 但有d唔捨得佢…我哋條team又少一個人la…唔知幾時到我揾到份好工 lei…. 放工後, 我去Living 聽醫學會 + 心寧程式講座, 仲要係同Henry一齊去tim, 真開心!! | | |
| 3/3/2009 (Tue) 今日我好叻女arrr, 7:50am過d就出門口返工la…haha…早返到公司..真開心!! Cherry 帶左喺網上訂購的 BB Cream (FROM KOREA) 返來, Claire 同我一齊試, 試試下, 我索性用埋Cherry 帶返來的架餐化哂成個妝…今次仲試埋用mascara 搽下眼睫毛, 嘩!!! 當堂隻眼大左好多, 超正...(但真係好難搞, 好容易搞到下面黑哂...化妝真係好大學問arrrr...)!! 化完妝, 我又缷指甲油...(係咪好羡慕, 我返工咁free呢..hehe). 話咁快就放lunch la, 同Claire & Cherry 一齊食lunch就去Sasa 行下和去永安換biotherm tester...開工後, 做做下嘢睡魔突然來到, 我瞓到有call入都唔知, 好彩Clarie喺到咋, 否則就.....明明返排已12am幾瞓ga, 但都咁累ge... 收工後, 我同Vincent+Dick去跑步, 要KEEP FIT 減肥...ANNA 要努力AR... 2/3/2009 (Mon) Work Starting Day 今天又遲到 la…仲要係大遲到 tim…真想做瓜自己, 成日都係咁…>_< 我要改變自己, 唔可再遲到… 唔知仲乜事, d 同事突然話買美心cake一齊食, 話慶祝三月開工喎…搞到我又要駛$$ la..好窮ar..快d有糧出就好la.. 放工好開心, 同Henry 去Tai Koo Shing Watch Movie “Yes Man”..好期待ar…套戲幾搞笑同內容都幾有意思 – 凡事都唔好未try 就say “no” 同放棄, 否則便會錯失左好多機會…有時相信自己同say 多d “yes”, 好運就有機會嚟揾你ga…(但唔好好似喺戲入面的Jim Carey咁, 乜都不諗就say ‘yes”, 凡事都要衡量ga); 所以不好再做 “no man”, 要一齊做 “yes man”!!! 之後, 同Henry 去Tai Koo Shing Foodcourt eat dinner -水餃湯麵 + 鮮肉飽…大家傾左好多計 Ar…話咁快就到10pm幾, 又要依依不捨咁返各自的屋企lu…返屋企又有媽媽煲的蕃薯糖水…hehe! 好開心 & sweet咁過完呢一日. 1/3/2009 (Sun) Leaving Camp 同Henry過左個好充實同好sweet的 weekend, 又做左好多運動, 令個人好relax & happy. 一早起身食早餐 – 皮蛋廋肉粥, 油炸鬼, 腸粉 with 甜醬 + Soy Sauce & 火腿 + Vegs 炒麵…大家就出發去玩lu, 本來想玩埋射箭、繩網、門球 & 溜冰, 但一早竟然落雨, 最後唯有要玩番Badminton, Snooker & Ping Pung Ball….打波打到成個人好累ar,對手臂又酸又痛..haha…Che到盡. 個Camp真係好抵ar..只需$123咋, 就包三餐又留宿, 又做咁多運動…hehe, 有機會都想再去過. 原來Henry D運動細胞好叻ga…每次都贏我. 執完行李, 食埋 Lunch - 豆湯, 魚蛋 with 冬瓜, vegs 炒肉片, 薯仔咖哩雞, 蒸水蛋 with meat, rice & 土魷蒸肉餅..就出Camp la. 之後, 大家一齊去西貢滿記食糖水, 食左芒果白雪 (vanilla汁)黑糯米 & 雪山 (vanilla Ice-cream) 楊枝金露, yummy yummy AR!!! 食完糖水就散la, 時間過得真係快…又係時候講 bibi…. 之後, 同 Henry 一齊出九龍灣 Megabox睇 “3D Bloody Valentine’s血腥情人節”, 未夠鐘, 我哋本來諗住shopping, 但實在太累la, 大家揾地方坐到瞓左..HAHA! 開戲la, 我係第一次睇3D戲ga, 既興奮又心慌慌…因套戲好恐佈arrrrrrrr…我全程都揾個袋遮住自己…個身睇到震哂…每次睇親恐佈片, 都係喺呢個時候開始後悔… (好似虐待自己咁…woowoo). 睇完仲心有餘悸, Megabox 的washroom又超靜, 搞到我好驚…之後我哋食完KFC Dinner - 白汁雞皇飯 & One Ppl Set - 2 雞胸及雞槌 + 炸格格脆 + 熱芒果熱情果蜜 + 炸魚粒…就各自返屋企lu…今日真係好開心, 每個weekend 都可咁玩就好la…Hehe! 28/2/2009 (Sat) Going Camp 今日係我同Henry + Ronnie + Eva + Winnie + Wai + William + Jeff + Kit去camp日, 我哋去西貢戶外康樂中心玩…好開心 Henry 都一齊去 (係我哋第一次去camp…). 一早同媽咪係北角餐廳食lunch - 海南雞飯 with Vegs, 菜心 & soup with vegs, 就到油麻地集齊人就一齊搭車出發去目的地. 去到camp site, 我哋放低行李, 就去打tennis (因之前落雨, 地下濕噠噠, 打之前要做熱身運動…就係拖走哂d水才可開始打波 (多得哂d男仔)..haha! 之後, 我哋無停過, 陸續去玩唔同的嘢 – 打squash, badminton, squash & snooker…期間, 竟撞到玲子同Sharon…so surprise!! 佢哋玩黃昏營, 只需 $20幾入Camp及 $20幾 Dinner, total 只需 $50幾就可由3pm幾玩到10pm, 超抵!! 之後, 話咁快就到食Lunch 時間 (6pm, 真早…), 有排骨, 燒雞, 燒茄子, 時菜, 薏米湯, Rice…但好似唔係好好味咁…但夜晚無嘢食, 唯有食飽d…食飽飽就再出發去玩lu, 我哋先去唱k, 同Henry合唱 “會過去的” (佢好多合唱歌都唔熟, 唯有唱呢首la…), 原來我哋係第一次合唱的, 佢係到玩嘢, 搞到我笑到唱唔到歌, 亦令大家好開心...佢真係好識搞氣氛ar!
唱多幾首歌, 我哋行開去Cafeteria買嘢食, 我哋食芒果布丁 & 什果 Jelly…食到好論盡, 好彩撞到玲子咋, 借tissue解救我哋..haha! 之後, 我哋去play squash, badminton, pingpung ball, snooker, 康樂棋, 足球機, 氣墊球…真係乜都玩d, che到盡…諗住玩射箭時, 竟然Closed 左 (仲諗住俾Henry 試下tim…), 唯有聽日先玩LA…到10pm收擋lu..我同Henry決定去cafeteria食燒夜 - 牛油蜜糖西多士 & Sprite…以免夜晚肚子餓…返到 Camp Site, 原來佢哋都想食燒夜, 於是一行人去Cafeteria食嘢...haha!
今日玩到好累, 人年紀大左, 原來較難通頂…沖完涼就差唔多瞓覺, 好開心…可同Henry一齊好Sweet咁 Sleeping...
27/2/2009 (Fri) Sadness… 今日返工好冷清, 因 Claire 放假, John 又Call Sick…由下午開始心情就好Down, 又苦悶…唉! 本來以為今個Sat & Sun同Henry一齊去Camp會好開心, 點知…佢突然話我知…佢唔去...我真係覺得好失望...而且佢的態度好似怪怪地, 對我好冷淡咁, 令我開始亂諗嘢, 忍唔住down到喊…點解會咁ga…woo woo! 我真係想大家的諗法一致, 開開心心地建立大家的愛. 放工後, 我去Living揾Elisa 姐姐傾計, 佢教左我好多嘢, 亦令我諗左好多, 使我開心返及使我知我應點做…之後我同Elisa & Evelyin去旺角行街, 帶佢哋睇我諗住買嗰兩件衫, 佢哋覺得唔得arrr, 因會wear到好肥…要我減肥先喎…(咁即係唔駛買lu…以我呢隻胃食喵..hehe) 差唔多到12am幾, Henry 先打來, 佢好似唔記得下午發生過咩事咁, 仲係好冷淡…令我幾心傷…其實我知佢應該心情唔靚, 承受好多壓力, 先咁對我…但我哋傾完計就無事la..hehe! 原來佢一早已執定行李, plan住同我去camp ga, 待明天問問Ronnie可否加人就可一齊去玩la, 希望得la!! | | |
| 一早做左好多運動, 差唔多由屋企跑到落筲箕灣 mtr, 本來需要約 20mins 多 d的路程, 我只需10mins 多d就到 la…原來我d跑功都好勁…haha! 去到油麻地又要跑, 明明早左出門口, 最後都係炆水先返到公司…勁多人等小巴….唔係我用第二個方法返工, 實遲硬到ar!! 今日超多call, 仲連續三隻都係何小姐的call, 真黑仔…!! 我成日用左大半日來打佢的case..好想喊arrrrrr! 本來個心情好地地, 個衰同事又係到challenge我…真係唔想再見到佢...佢快d過荃灣 la! 今次我又忍唔到, 讓佢得逞, 俾佢搞興左....唉! 要惡補EQ, 下次一定要笑笑口拮返佢… 返返下工, 收到個壞消息...Henry 唔好唔開心 ar...一定會無事ga! | | |
| 25/2/2009 (Wed) ARRRRRRRRRRRRR…我明明8:43am返到公司, 應該唔好遲到, 但點知個電腦唔生性, 又要重新Login, boot機又boot得耐, 搞到我遲左一分鐘Login…我好傻瓜瓜ar, 早乜唔係第二部機Login…搞到遲左1min..woowoo… 今日係財政預算案發表的日子, 比平時多左好多call ar...好彩臨收工前都好free, hehe! 係公司食埋Dinner就出發去協基上Dance Course, 隻舞差唔多學哂 la, 但我d動作唔靚, 有排練 ar!!!
| | |
| 24/2/2009 (Tue) Shopping Day 我今日好乖ar, 6:30am已起左身, 又早出門口, 返工唔駛趕來趕去, 真係舒服好多, 最重要係早左返公司, 唔駛遲到…haha! 下午同Cherry, Eddie, Ivan, Vincent…一齊食飯….我又食到好飽 la…超眼瞓tim!! 今日唔知做乜, 我覺得自己的情緒起伏好大, 心情有d炆… 放工後, 心情好返d, 同Cristine去旺角家樂及兆萬 Shopping…係兆萬見到2件衫都好靚, 一件係白色娃娃裝, 另一件係深藍色波點連身Dress, 心思思唔知買邊件好…睇睇下, 竟然見到件玫瑰花花衫同Cristine嗰件好似, 但價錢就相差好遠, Cristine個件要件$700, 而呢件就….只需…$89 咋, 搞到 Cristine 好Dum心, 而我就心郁郁好想買…Hehe! 都係諗諗先… 之後, Cristine走後, 待Claire到就一齊去醫肚, 大家都好肚餓!!! 我哋去買八爪魚丸 & 芝士火腿吞拿魚海笞Q餅一齊Share來食…食到好滯ar…之後我哋就去兆萬同旺角中心行街, 大家本來想買boots, 點知就睇左衫…最後我買左之前喺兆萬睇中的白色娃娃裝, 價錢仲平過兆萬, 本要$79, 旺角中心嗰間只需$60, 平左$19咁多, 好正ar! 之後, 我哋仲買左每人一件的黃色碎玫瑰花連身裇衫tim, 件衫超平, 特價貨 $50兩件, 每人都只係$25咋…好抵! 最後, 我哋再去睇boot, 但…都沒乜平boot, 剩返的一係就沒我哋 size, 一係就唔靚…失望而回! 同Claire 行到唔想走, 仲愈來愈精神, 但睇返錶原來都行到成11pm幾, 好似聽日唔駛返工咁..haha! 返到屋企, 終於收到Mom & Dad的手信, 有聖母保平安牌, 白鴿扣針 (仲可當吊咀tim), 聖母金頸鏈, 同埋玫瑰銀手鏈…但點解全部都係有關聖母同耶穌的手信Ga…haha! 最後同Henry傾埋個電話, 1am 就瞓la! | | |
|
